Qobustanda saxta nömrə ilə avtomobil idarə edən sürücü saxlanıldı
Agah.az xəbər verir ki, DİN-in Baş Dövlət Yol Polisi İdarəsinin YPX Alayının əməkdaşları Qobustan rayonu ərazisində hərəkətdə olan, “VAZ” markalı, tranzit dövlət qeydiyyat nişanlı avtomobili saxlayıb. Avtomobilin xarici işıq cihazlarının nasaz olduğu üçün dayandırıldığı bildirilir.
Araşdırmalar zamanı sürücü Mustafa Mahmudzadənin sənədləri təqdim etmədiyi və sürücülük hüququ məhdudlaşdırıldığı halda avtomobil idarə etdiyi müəyyən olunub. Bundan əlavə, onun kustar üsulla hazırlanmış saxta dövlət qeydiyyat nişanından istifadə etdiyi aşkar edilib.
Qanunvericiliyi kobud şəkildə pozan M.Mahmudzadə barəsində müvafiq protokollar tərtib olunub. Avtomobil hərəkətdən kənarlaşdırılaraq mühafizə olunan duracağa yerləşdirilib.
Baş Dövlət Yol Polisi İdarəsi qanunsuz hallara qarşı ciddi tədbirlər görəcəyini bildirərək yol hərəkəti iştirakçılarını hüquqazidd əməllərdən çəkinməyə çağırır.
Açar sözlər: Qobustan saxta nömrə, avtomobil saxlanıldı, sürücülük hüququ olmayan sürücü, DYP protokol, kustar üsulla hazırlanmış nömrə, yol hərəkəti qaydalarının pozulması.
(055) 436-46-45
