Bəşər Əsəddən ilk açıqlama: Suriyanı necə tərk etdi?
Agah.az xəbər verir ki, Suriyanın keçmiş prezidenti Bəşər Əsəd, Dəməşqdəki müxalif qüvvələrin hücumundan sonra ölkəni tərk etməsi ilə bağlı ilk dəfə açıqlama verib. Əsəd bəyan edib ki, Suriyanı tərk etməsi planlaşdırılmamış bir qərar olub və “terrorçuların” paytaxtı ələ keçirməsindən sonra orada qalmağı mənasız hesab edib.
Əsədin sözlərinə görə, dekabrın 8-də, müxalif dəstələr Dəməşqə yaxınlaşdığı zaman o, paytaxtda qalıb və yalnız axşam saatlarında Rusiyanın Xmeymim aviabazasının yerləşdiyi Latakiya əyalətinə doğru yola düşüb. Həmin gün axşam isə Rusiyaya təxliyə olunub.
Bəşər Əsəd vurğulayıb ki, ölkəni tərk etməsi Rusiya ilə razılaşdırılmış şəkildə həyata keçirilib və hərbi əməliyyatların monitorinqi məqsədi daşıyıb. Əsəd əlavə edib ki, “son hərbi mövqelərin dağıdılması” və dövlət qurumlarının iflic olması səbəbindən Suriyanı tərk etmək məcburiyyətində qalıb.
Bundan əvvəl beynəlxalq mənbələr bildirirdi ki, Əsədin təxliyəsi Rusiyanın dəstəyi ilə həyata keçirilib. Məlumata görə, Rusiya müxalif qüvvələrin paytaxta yaxınlaşdığı bir vaxtda, Əsədin və ailəsinin təhlükəsiz təxliyəsini təmin edib.
Açar sözlər: Bəşər Əsəd, Suriyanın keçmiş prezidenti, Dəməşq hücumu, Bəşər Əsədin təxliyəsi, Rusiya və Suriya, Dəməşq müxalif qüvvələr.
(055) 436-46-45
