Bakının Xəzər və Qaradağ rayonlarında bu gün qaz təchizatı dayandırılacaq

Agah.az xəbər verir ki, Azərbaycan Dövlət Neft Şirkətinin (SOCAR) “Azəriqaz” İstehsalat Birliyinin məlumatına əsasən, dekabrın 16-da saat 10:00-dan etibarən Bakının Xəzər və Qaradağ rayonlarında qaz təchizatında müvəqqəti fasilələr olacaq.

Bu qərar Xəzər rayonu, Buzovna qəsəbəsində qaz xəttinin yerinin dəyişdirilməsi və Qaradağ rayonunda qaz xəttinin mövcud şəbəkəyə qoşulması məqsədilə qəbul edilib.

Təmir-quraşdırma işləri zamanı Xəzər rayonunun Buzovna qəsəbəsinin bir hissəsində, həmçinin Qaradağ rayonunun Ş.Əsgərov, M.Seyidov və Ə.Gülbabayev küçələrində qaz təchizatı müvəqqəti dayandırılacaq.

Açar sözlər: Bakıda qaz təchizatı dayandırılması, Xəzər rayonu qaz problemi, Qaradağ qaz şəbəkəsi, SOCAR Azəriqaz təmir işləri.

Şahid olduğunuz hadisələrin video və ya fotosunu çəkərək bizə göndərin:
(055) 436-46-45