10 ayda yol qəzalarının sayı azalıb: BDYPİ statistika açıqladı
Agah.az xəbər verir ki, cari ilin 10 ayı ərzində ölkə ərazisində ölüm və xəsarətlə nəticələnən 1 182 yol-nəqliyyat hadisəsi qeydə alınıb. Bu göstərici ötən ilin müvafiq dövrü ilə müqayisədə 167 hadisə azdır. Məlumatı Baş Dövlət Yol Polisi İdarəsinin rəsmisi, polis polkovnik-leytenantı Mübariz Ağayev verib.
M. Ağayev bildirib ki, avtonəqliyyat vasitələrinin sayının artmasına baxmayaraq, ölkədə görülən qabaqlayıcı tədbirlər nəticəsində yol-nəqliyyat hadisələrinin və onların ağır nəticələrinin sayı azalmaqdadır.
Hesabat dövründə 601 nəfər yol qəzalarında həlak olub ki, bu da ötən illə müqayisədə 101 nəfər (14,4 faiz) azdır. Xəsarət alanların sayı isə 134 nəfər azalaraq 1 028 nəfər təşkil edib. Bu, 11,5 faizlik azalma deməkdir.
Baş Dövlət Yol Polisi İdarəsi hərəkət iştirakçılarına müraciət edərək, yol hərəkəti qaydalarına ciddi əməl etməyə çağırır. Xüsusilə sürücülərdən sürət həddinə riayət etmələri, manevr və ötmə qaydalarını pozmamaları, nəqliyyat vasitələrinin sazlığını daim nəzarətdə saxlamaları tövsiyə olunur. Piyadalardan isə şəxsi məsuliyyət hissini unutmamaq və qaydalara riayət etmək tələb edilir.
Açar sözlər: yol qəzaları statistikası, 10 ayda yol qəzaları, BDYPİ məlumatı, Azərbaycanda yol qəzaları, yol hərəkəti qaydaları.
(055) 436-46-45
