Neftçalada dəhşətli yol qəzası: Bir ailənin üzvləri arasında ölən və yaralananlar var
Agah.az xəbər verir ki, Neftçala rayonunda minik avtomobili ilə motosikletin toqquşması nəticəsində ağır yol-nəqliyyat hadisəsi baş verib.
Hadisə rayonun sənaye məhəlləsinin yaxınlığından keçən Salyan-Neftçala yolunda qeydə alınıb. Toqquşma nəticəsində qoşqulu motosikletin sürücüsü, 1960-cı il təvəllüdlü Ağasəf Mirzəyev, eləcə də onun nəvələri və qızı xəsarət alıblar.
Yaralananlar – 1986-cı il təvəllüdlü Günel İbrahimova və onun övladları – 2010-cu il təvəllüdlü Natiq İbrahimov, 2010-cu il təvəllüdlü Yəhya İbrahimov və 2008-ci il təvəllüdlü Ləman İbrahimova Neftçala Rayon Mərkəzi Xəstəxanasına yerləşdiriliblər.
Təəssüf ki, həkimlərin bütün səylərinə baxmayaraq, babaları Ağasəf Mirzəyevin həyatını xilas etmək mümkün olmayıb.
Hadisə ilə bağlı araşdırma aparılır.
Açar sözlər: Neftçala yol qəzası, motosiklet və avtomobil toqquşması, ağır qəza, yaralanan ailə, ölüm halları.
(055) 436-46-45
