Kəlbəcərin daxili yollarında tikinti işləri davam edir

Dostuna göndər xəbərdən agah olsun:

Agah.az məlumat verir ki, Azərbaycan Avtomobil Yolları Dövlət Agentliyi (AAYDA) Kəlbəcər şəhərinin daxili yollarının tikintisini sürətləndirib.

Məlumata görə, şəhərin ilk yaşayış məhəlləsinin təməli 2023-cü il mayın 27-də Prezident İlham Əliyevin iştirakı ilə qoyulub. Şəhər yollarının tikintisi 4 müxtəlif tip en kəsiyinə uyğun planlaşdırılıb və hərəkət zolaqlarının sayı 2-4, eni isə 3-3.5 metr arasında dəyişir. Bundan əlavə, yolların yaşıllıq, velosiped, piyada və tramvay zolaqları da nəzərdə tutulub. Ümumi uzunluğu 26.5 km olan daxili yolların birinci mərhələsində 18.9 km hissəsinin tikintisi davam edir, 6 km-lik yol yatağının inşası isə artıq tamamlanıb. Kommunikasiya xətlərinin (su, kanalizasiya, qaz, elektrik və rabitə) çəkilməsi üzrə işlər də yekunlaşmaqdadır. “Böyük Qayıdış” proqramı çərçivəsində tikinti işlərinin 2026-cı ildə başa çatması gözlənilir.