Bakıda kartdan-karta ödəniş aparan 120 iaşə və ticarət obyektinə cəza tətbiq edildi
Agah.az xəbər verir ki, İqtisadiyyat Nazirliyi yanında Dövlət Vergi Xidməti (DVX) Bakı şəhərində iaşə və pərakəndə ticarət fəaliyyəti göstərən 120-dən çox vergi ödəyicisinə maliyyə sanksiyaları tətbiq edib.
Məlumata görə, nəzarət tədbirləri zamanı POS-terminal əvəzinə kartdan-karta köçürmələr ilə ödənişlərin həyata keçirilməsi faktları aşkarlanıb. Bu cür qanun pozuntuları protokollaşdırılaraq müvafiq cəza tədbirləri görülüb. Vergi qanunvericiliyinə əsasən, POS-terminal vasitəsilə ödənişlərin qəbulu və istehlakçılara kassa qəbzinin təqdim edilməsi məcburidir. DVX sahibkarları qanun pozuntusundan çəkinməyə və nağdsız ödəmələr üçün yalnız POS-terminallar vasitəsilə ödəniş qəbul etməyə çağırır.
Qeyd edək ki, bundan əvvəl 160 sahibkar da qanunsuz ödəniş üsulu səbəbindən cəzalandırılıb.
(055) 436-46-45
