Yasamalda “Yaşıl dünya naminə həmrəylik ili” çərçivəsində ağacəkmə aksiyası keçirilib
Agah.az məlumat verir ki, Azərbaycan Respublikasının Prezidenti cənab İlham Əliyevin 2024-cü ilin “Yaşıl dünya naminə həmrəylik ili” elan olunması ilə bağlı Sərəncamının icrası çərçivəsində Yasamal rayonunda ekoloji aksiya keçirilib. Yasamal Rayon İcra Hakimiyyətinin təşkilatçılığı ilə Abdulla Qarayev küçəsində baş tutan aksiyada ekoloji tarazlığı bərpa etmək məqsədilə quraqlığa davamlı Eldar şamları əkilib. Bu tədbir rayon ərazisində yaşıllıqların artırılması və ətraf mühitin qorunması istiqamətində davam etdirilən işlərə öz töhfəsini verir.
Aksiyada Yasamal Rayon İcra Hakimiyyətinin başçısı Elşad Həsənov, YAP Yasamal rayon təşkilatının sədri Bəxtiyar Nəbiyev, Yasamal Bələdiyyəsinin sədri Tahir Məmmədov, rayon MKTB-nin rəisi Vüsal Hüseynov, həmçinin idarə və müəssisə rəhbərləri, ictimaiyyət nümayəndələri və könüllülər iştirak ediblər. Bu cür ekoloji aksiyalar Yasamal rayonunun müxtəlif ərazilərində davam edir, yeni ağacların əkilməsi və mövcud yaşıllıqlara qulluq işləri aparılır.
Açar sözlər və açar cümlələr: Yaşıl dünya naminə həmrəylik ili, Yasamal rayonunda ağacəkmə, ekoloji aksiya, quraqlığa davamlı Eldar şamları, ətraf mühitin qorunması, İlham Əliyevin ekoloji təşəbbüsləri, Abdulla Qarayev küçəsində ağacəkmə, yaşıllıqların artırılması, Yasamalda ekologiya tədbirləri.
(055) 436-46-45
