Bakı metrosunda qatarların hərəkəti ləngiyib

“Bakı Metropoliteni” QSC-nin “İçərişəhər” stansiyasına daxil olan qatarın qapılarından maşinistin idarəetmə pultuna daxil olmuş siqnal əsasında qatar stansiyada ikən ona baxış keçirilib.

Bu barədə səhmdar cəmiyyəti xəbər verir.

Məlumata görə, əlavə texniki baxış tələb olduğundan, Bakı metropoliteninin təhlükəsizlik tələblərinə uyğun olaraq, qatar, sərnişinsiz hərəkət etməklə, “Nərimanov” elektrik deposuna göndərilib. Əvəzinə xəttə qatar verilib.

Nəticədə, Qırmızı xətt üzrə intervaldan əlavə 2 dəqiqə yubanma qeydə alınıb.

Şahid olduğunuz hadisələrin video və ya fotosunu çəkərək bizə göndərin:
(055) 436-46-45