Bugün Bakıda beş ailə üzvünü qətlə yetirən Əhməd Əhmədovun məhkəmə prosesi olacaq
Agah.az xəbər verir ki, bu gün Bakı Ağır Cinayətlər Məhkəməsində beş ailə üzvünü qətlə yetirməkdə ittiham olunan Əhməd Əhmədovun məhkəmə prosesi başlayır.
Proses hakim Səbinə Məmmədzadənin sədrliyi ilə keçirilir və Əhməd Əhmədovun ibtidai istintaqda verdiyi ifadə məhkəmədə elan ediləcək. Məhkəmə prosesi saat bugün (08.10.2014) 11:00-da başlayacaq.
Xatırladaq ki, Əhməd Əhmədovun sonuncu məhkəmə iclası sentyabrın 10-da keçirilsə də, onun məhkəməyə gətirilməməsi səbəbindən proses bu günə təxirə salınmışdı. Əhməd Əhmədovun, fevralın 13-də ailə üzvləri arasında baş verən mübahisə zamanı atası Mehman Əhmədovu, anası Pikə Əhmədovanı, qardaşı Məhəmmədi, bacısı Elmira və onun azyaşlı qızını qətlə yetirməsi ittiham olunur.
Xətai Rayon Prokurorluğunun araşdırdığı cinayət işi üzrə məhkəmə-psixiatrik ekspertizanın aprel ayında verdiyi rəyə əsasən, Əhməd Əhmədov cinayəti törədərkən anlaqsız vəziyyətdə olub. İstintaqın qərarı ilə onun psixi vəziyyətinin yenidən müayinə edilməsi üçün aprelin 5-də təkrar ekspertiza təyin edilib və o, tibb müəssisəsinə yerləşdirilib.
Açar sözlər: Əhməd Əhmədov məhkəmə prosesi, Bakıda qətl hadisəsi, ailə üzvlərinin qətli, məhkəmə-psixiatrik ekspertiza, cinayət işi
(055) 436-46-45
