Hacıqabulda böyük yanğın hadisəsi baş verib
Agah.az xəbər verir ki, bu gün Hacıqabul rayonunun Abdulabad kəndində yanğın hadisəsi qeydə alınıb.
Fövqəladə Hallar Nazirliyindən (FHN) verilən məlumata görə, ümumi sahəsi 900 kvadratmetr olan ikimərtəbəli, 16 otaqlı evdə baş verən yanğın nəticəsində 800 kvadratmetr sahədə yanar konstruksiyalar məhv olub. Evlə yanaşı, sahəsi 60 kvadratmetr olan talvarın və 90 kvadratmetr köməkçi tikilinin yanar hissələri də zərər görüb. Yanğınsöndürənlər hadisə yerinə vaxtında müdaxilə edərək evin və tikililərin qalan hissəsini yanğından mühafizə ediblər. Hadisə nəticəsində xəsarət alanlar barədə məlumat verilməyib.
Açar sözlər: Hacıqabul yanğın, Abdulabad kəndi yanğın hadisəsi, ikimərtəbəli ev yanıb
Açar cümlələr: Hacıqabulda ev yanğın hadisəsi, FHN yanğın müdaxiləsi, böyük yanğın nəticəsində ev yanıb
(055) 436-46-45
