Oslo polisi məktəb yaxınlığında atışmadan sonra 3 nəfəri saxlayıb

Norveç polisi paytaxt Osloda məktəb yaxınlığında baş verən atışmadan sonra 3 şübhəli şəxs saxlayıb.

Bu barədə “Reuters” agentliyi krallığın hüquq-mühafizə orqanlarına istinadən məlumat yayıb.

Qeyd olunur ki, hadisə yerindən mərmi gilizləri tapılıb. Polis atışmada bir nəfərin yaralandığından şübhələnir, lakin hələlik onun şəxsiyyəti müəyyən edilməyib.

Qeyd edək ki, Norveç paytaxtının şimal-şərq hissəsində yerləşən məktəbdə 480-ə yaxın şagird təhsil alır.

Şahid olduğunuz hadisələrin video və ya fotosunu çəkərək bizə göndərin:
(055) 436-46-45