“Apple” yeni məhsullarının təqdimatını keçirib

“Apple” korporasiyası yeni məhsullarının təqdimatını keçirib.

6,1 və 6,7 düym diaqonallı “iPhone 16” və “16 Plus” yeni nəsil smartfon modelləri nümayiş olunub.

Cihazın korpusu alüminiumdan hazırlanıb. Modellər yenə “iPhone 11″də olduğu kimi şaquli kameraya sahib olublar. Vizual olaraq bu kamera aranjimanı 2017-ci ildə təqdim edilən “iPhone X”i xatırladır.

Smartfonlarda kameranı idarə etmək üçün yeni “Capture” düyməsi var.

“iPhone 16” əlyazma mətn əsasında emoji yarada bilən “Apple Intelligence” süni intellektinə sahibdir.

Şahid olduğunuz hadisələrin video və ya fotosunu çəkərək bizə göndərin:
(055) 436-46-45