Ərdoğan Kazanda keçiriləcək BRİCS sammitində iştirak dəvətini qəbul edib
Türkiyə Prezidenti Rəcəb Tayyib Ərdoğan Rusiyanın Kazanda keçiriləcək BRİCS sammitində iştirak dəvətini qəbul edib.
Bu barədə məlumatı Rusiya Prezidentinin köməkçisi Yuri Uşakov açıqlayıb.
“Təklif Türkiyə tərəfinə çatdırılıb, Türkiyə dövlət başçısı Rəcəb Tayyib Ərdoğan onu qəbul edib”, – o vurğulayıb.
Kremlin mətbuat katibi Dmitri Peskov isə bir gün əvvəl bildirib ki, Rusiya Prezidenti Vladimir Putinin Türkiyəyə səfərinin tarixi hələlik razılaşdırılmayıb, bu istiqamətdə iş davam edir.
Qeyd edək ki, BRİCS sammiti 2024-cü il oktyabrın 22-24-də Kazanda keçiriləcək.
Şahid olduğunuz hadisələrin video və ya fotosunu çəkərək bizə göndərin:
(055) 436-46-45
(055) 436-46-45
