Paris-2024: Türkiyənin voleybol millisi yarımfinala vəsiqə qazanıb

Türkiyənin voleybol millisi Fransanın paytaxtı Parisdə keçirilən Yay Olimpiya Oyunlarında növbəti matçına çıxıb.

Yığma 1/4 final mərhələsində Çin kollektivi ilə üz-üzə gəlib.

Qarşılaşma qardaş ölkənin qələbəsi ilə bitib – 3:2 (23:25, 25:21, 26:24, 21:25, 15:12).

Beləliklə, Türkiyə millisi yarımfinala vəsiqə qazanıb. Komanda bu raundda İtaliya – Serbiya cütünün qalibi ilə görüşəcək.

Qeyd edək ki, Paris-2024 avqustun 11-də başa çatacaq.

Şahid olduğunuz hadisələrin video və ya fotosunu çəkərək bizə göndərin:
(055) 436-46-45