Bakıda maşını təmir sexinin qabağından oğurladılar

İyulun 30-da axşam saatlarında Nəsimi rayonu ərazisində maşın təmiri sexinin qarşısından VAZ-2106 avtomobilinin qaçırılması barədə polisə məlumat daxil olub.

Daxili İşlər Nazirliyindən Agah.Az-a verilən xəbərə görə, Nəsimi Rayon Polis İdarəsinin 20-ci Polis Bölməsi əməkdaşlarının keçirdikləri tədbirlərlə nəqliyyat vasitəsini qaçırmaqda şübhəli bilinən, əvvəllər dəfələrlə məhkum olunmuş R.Hüseynov müəyyən olunaraq avtomobillə birgə saxlanılıb.

Faktla bağlı araşdırma aparılır.

Şahid olduğunuz hadisələrin video və ya fotosunu çəkərək bizə göndərin:
(055) 436-46-45