Ağsuda qəzada ağır yaralanan körpə xəstəxanada ölüb

Ağsuda 6 gün əvvəl qəzaya düşən azyaşlı ölüb.

Hadisə iyulun 26-da Növcü kəndində qeydə alınıb.

Rəşad Mustafayev idarə etdiyi “VAZ 2106” markalı avtomobillə qarşısına iribuynuzlu heyvan çıxdığına görə qəza törədib.

Nəticədə avtomobildə olan sürücünün 2022-ci il təvəllüdlü oğlu Mehrac Mustafayev ağır yaralanıb. Xəstəxanaya yerləşdirilən körpə həkimlərin səyinə baxmayaraq ötən gün ölüb.

Faktla bağlı araşdırma aparılır.

Şahid olduğunuz hadisələrin video və ya fotosunu çəkərək bizə göndərin:
(055) 436-46-45