Sumqayıtda taksi sürücüsünə bıçaq çəkib pulunu aldı
Sumqayıtda taksi sürücüsü qarət olunub.
Daxili İşlər Nazirliyindən oxu.az-a verilən xəbərə görə, iyulun 28-də Təzə Corat qəsəbəsi ərazisində “Opel” markalı avtomobildə olan sərnişinin sürücünü kəsici alətlə hədələyərək 45 manatını talaması barədə polisə məlumat daxil olub.
Sumqayıt Şəhər Polis İdarəsinin 1-ci Polis Bölməsi əməkdaşlarının keçirdikləri tədbirlərlə quldurluq əməlini törətməkdə şübhəli bilinən, əvvəllər məhkum olunmuş Azər Əbuzərov müəyyən olunaraq saxlanılıb.
Faktla bağlı araşdırma aparılır.
Şahid olduğunuz hadisələrin video və ya fotosunu çəkərək bizə göndərin:
(055) 436-46-45
(055) 436-46-45
