Qazaxda iki avtomobil toqquşub, xəsarət alanlar var

Qazax şəhərində bir neçə nəfərin xəsarət alması ilə nəticələnən yol-nəqliyyat hadisəsi olub.

“Report”un Qərb bürosunun məlumatına görə, hadisə mərkəzi prospektlərin birində qeydə alınıb.

“Ford” və digər minik avtomobilinin toqquşması nəticəsində 1964-cü il təvəllüdlü İ.Musayev, 1955-ci il təvəllüdlü Ş.Mustafayeva və daha bir nəfər xəsarət alıb.

Zərərçəkən 3 nəfərdən Ş.Mustafayevanın vəziyyəti ağır qiymətləndirilir. Zərərçəkənlər təcili tibbi yardım briqadası və yaxınlıqdakı vətəndaşların köməyi ilə xəstəxanaya çatdırılıb.

Faktla bağlı araşdırma aparılır.

Şahid olduğunuz hadisələrin video və ya fotosunu çəkərək bizə göndərin:
(055) 436-46-45