Putin tapşırıq verdi: Qeyri-strateji nüvə silahları üzrə təlimlər başlayır
Rusiyanın Baş Qərargahı Cənub dairəsinin raket birləşmələri ilə təlimlərin keçirilməsi üçün hazırlıqlara başlayıb və təlimlərə aviasiya və hərbi-dəniz qüvvələri cəlb ediləcək.
Bu barədə Rusiya Müdafiə Nazirliyindən məlumat verilib.
“Rusiya Silahlı Qüvvələrinin Ali Baş Komandanının tapşırığına əsasən, qeyri-strateji nüvə qüvvələrinin döyüş tapşırıqlarını yerinə yetirməsi üzrə hazırlığını artırmaq məqsədilə Baş Qərargah yaxın vaxtlarda təlimlərin keçirilməsi hazırlıqlarına başlayıb. Cənub Hərbi Dairəsinin raket birləşmələri ilə təlimlərə aviasiya, eləcə də hərbi-dəniz qüvvələrinin cəlb edilməsi nəzərdə tutulub”, – deyə məlumatda bildirilib.
Rusiya Müdafiə Nazirliyindən qeyd edilib ki, təlim zamanı qeyri-strateji nüvə silahlarının hazırlanması və istifadəsi məsələlərinin praktiki sınaqdan keçirilməsi üzrə bir sıra tədbirlər baş tutacaq.
Müdafiə Nazirliyindən, həmçinin bildirilib ki, təlimlər eyni zamanda ayrı-ayrı Qərb rəsmilərinin təxribat xarakterli bəyanatlarına və təhdidlərinə cavab xarakteri daşıyır.
Mənbə: TASS
(055) 436-46-45
