Rusiyada daha bir şəhərdə daşqın: Növbəti su bəndi dağıldı – FOTO/VİDEO

Rusiyanın Tomsk şəhərində çayın daşması nəticəsində yaranan sel su bəndini aşındırıb.

Bununla bağlı yerli “Telegram” kanallarında videogörüntülər yayılıb.

Məlumata görə, Tom çayının daşması səbəbindən çayın sol sahilində yerləşən Kommunal körpünün ərazisində su bəndi dağılıb.

Qeyd edək ki, şəhərin sol sahilində bu körpüyə bitişik olan torpaq bənd Tom və Sennaya Kurya çaylarını bir-birindən ayırır. Hazırda bu bənd artıq qismən dağılıb və Tom çayından gələn su Sennaya Kuryaya axmağa başlayıb.

Mənbə: MK.ru

Şahid olduğunuz hadisələrin video və ya fotosunu çəkərək bizə göndərin:
(055) 436-46-45