Rusiyada qəzaya düşən üç avtomobil yanıb, yeddi nəfər ölüb

Rusiyanın Omsk vilayətində iki yük maşını və mikroavtobusun toqquşması nəticəsində biri uşaq olmaqla 7 nəfər ölüb.

Bu barədə TASS xəbər verib.

Hadisə P-402 avtomobil yolunun 565-ci km-də, Omsk vilayətinin Lyubinski rayonunun Uvalo-Yadrino kəndi yaxınlığında baş verib. Qəzadan sonra hər üç avtomobil yanıb.

Hazırda polis əməkdaşları hadisənin baş vermə səbəblərini müəyyən etmək üçün hadisə yerində işləyirlər. Faktla bağlı rayon prokurorluğu araşdırma aparır.

Şahid olduğunuz hadisələrin video və ya fotosunu çəkərək bizə göndərin:
(055) 436-46-45