“Bitcoin” tarixdə ilk dəfə 73 min dolları keçib

“Bitcoin” məzənnəsi bütün zamanların ən yüksək səviyyəsinə çatıb. “Binance” platformasının məlumatlarına görə, dünən Bakı vaxtı ilə saat 18:07-də ​​kriptovalyutanın qiyməti 73 min dollara çatıb. Bu həddə çatdıqdan sonra dərhal azalma baş verib. Bakı vaxtı ilə saat 18:10-da “Bitcoin” 71 349 dollara ticarət edilib.

Mart ayında “Bitcoin”in qiyməti üç dəfə artıb. İlk dəfə belə hal martın 5-də baş verib, o zaman valyuta 69.2 min dollara çatıb. Bundan sonra martın 11-də ticarət zamanı “CoinMarketCap” platformasında valyuta məzənnəsi 71 min dolları keçib.

“Bitcoin”in qiyməti yanvarın sonundan etibarən yüksəlməyə başlayıb. Mütəxəssislər 2024-cü ilin sonuna qədər onun dəyərinin 100 min dolları keçəcəyini gözləyirlər.

Şahid olduğunuz hadisələrin video və ya fotosunu çəkərək bizə göndərin:
(051) 5062008 (Whatsapp)