Toyda mübahisə edən Sabirabad sakini özünə xəsarət yetirib

Sabirabad rayonunda 29 yaşlı gənc özünə xəsarət yetirib.

“Report”un Aran bürosunun məlumatına görə, rayonun Bulduq kənd sakini, 1995-ci il təvəllüdlü Əjdər Elşad oğlu Səmədov bədəninin kəsilmiş-deşilmiş yarası ilə Sabirabad Rayon Mərkəzi Xəstəxanasına yerləşdirilib.

İlkin məlumata görə, Ə.Səmədovun toy mərasimində mübahisəsi düşüb, evə qayıtdıqdan sonra o, kəsici alətlə özünə müxtəlif xəsarətlər yetirib.

Faktla bağlı araşdırma aparılır.

Şahid olduğunuz hadisələrin video və ya fotosunu çəkərək bizə göndərin:
(055) 436-46-45