Sumqayıtda yoxa çıxan kişinin meyiti su kanalından tapıldı – YENİLƏNİB + VİDEO
Abşeronda bataqlıq ərazidə kişi meyiti aşkarlanıb.
Baş Prokurorluğun Mətbuat Xidmətindən verilən məlumata görə, martın altısında saat 16 radələrində Abşeron rayonu, Saray qəsəbəsi, Üzümçülük yaşayış massivinin ərazisindən keçən su kanalında 1968-ci Akif Əbülfəz oğlu Cəfərovun meyiti aşkar olunub.
Meyitin xarici müayinəsi zamanı onun üzərində hər hansı xəsarət izi müəyyən edilməyib.
Faktla bağlı Abşeron Rayon Prokurorluğunda araşdırma aparılır.
16:50
Sumqayıtda itkin düşən 56 yaşlı kişinin meyiti tapılıb.
Oxu.Az-ın əldə etdiyi məlumata görə, “Yaşıl dərə” yaşayış massivindəki evindən çıxaraq itkin düşən 56 yaşlı Akif Cəfərovun meyiti Abşeron rayonu ərazisində su kanalından tapılıb. Onun aşkarlanan meyitinə baxış keçirilib və zorakılıq əlamətlərinə rast gəlinməyib.
16:36
Sumqayıtda 56 yaşlı kişi itkin düşüb.
Akif Cəfərov martın 1-də axşam saatlarında “Yaşıl dərə” yaşayış massivindəki evindən çıxıb və bir daha geri qayıtmayıb.
Doğmalarının sözlərinə görə, Akif Cəfərovun hər hansı psixoloji və ya yaddaşla bağlı problemləri olmayıb:
“Sonuncu dəfə kafedə olub. Oradan içkili vəziyyətdə çıxdığı kamera gürüntülərində var. Daha sonra izi itib”.
Daxili İşlər Nazirliyinin Mətbuat Xidmətindən bildirilib ki, şəxsin tapılması istiqamətində axtarış tədbirləri davam etdirilir.
Ətraflı Baku TV-nin videosunu təqdim edirik:
(055) 436-46-45
